HP ලා ගේ අලුත්ම වැඩකෑල්ල: Keyboard එකක් අස්සේ Full PC එකක් ඔබලා! (HP EliteBoard G1a)
අඩෝ, උබලා පොඩි කාලේ දැකලා තියෙනවද අර පරණ Commodore 64 වගේ කොම්පියුටර්? අර කීබෝඩ් එක විතරක් තියෙන්නේ, ඒක ටීවී එකට ගැහුවම වැඩ. අන්න ඒ වගේ සීන් එකක් ආයෙම ලෝකෙට ඇවිල්ලා! මේ පාර වැඩේ කරලා තියෙන්නේ අපේ සුපුරුදු HP සමාගම. මේකේ නම තමයි HP EliteBoard G1a. මේක නිකන්ම කීබෝඩ් එකක් නෙවෙයි, මේක ඇතුලේ සම්පූර්ණ Windows PC එකක්ම තියෙනවා කිව්වොත් විශ්වාස කරනවද?
මොකක්ද මේ HP EliteBoard G1a කියන්නේ?
සරලවම කිව්වොත් මේක "Keyboard PC" එකක්. මේ දවස්වල ලාස් වේගාස් වල තියෙන CES 2026 ටෙක් ෂෝ එකේදී තමයි HP ලා මේක එළියට දැම්මේ. අපි කවුරුත් දන්න Raspberry Pi 400 එක වගේ පොඩි ගැජට් එකක් කියලා හිතන්න එපා. මේක යකාගේ බවර් එකක් තියෙන, ඔෆිස් වැඩ වලටම හදපු මැෂින් එකක්. මේ ගැන මුලින්ම වාර්තා කරපු PCMag වෙබ් අඩවිය කියන විදියට මේක "Headless Laptop" එකක් විදියට පාවිච්චි කරන්න පුළුවන්.
ඇතුලේ තියෙන Specs කොහොමද?
මේකේ ඇතුලේ දුවන්නේ ලොවෙත් නැති සුපිරි හාඩ්වෙයාර් ටිකක්. නිකන් සෙල්ලම් බඩු නෙවෙයි බොලව්.
- Processor: අලුත්ම AMD Ryzen AI 300 series චිප් එකක්. (Ryzen AI 7 350 PRO දක්වා යන්න පුළුවන්).
- RAM: 64GB වෙනකම් දාගන්න පුළුවන් DDR5 RAM එකක්. විශේෂත්වය කියන්නේ මේක අපිටම ගලවලා මාරු කරගන්න පුළුවන් (User Upgradeable) විදියට තමයි හදලා තියෙන්නේ.
- Storage: 2TB දක්වා M.2 NVMe SSD එකක් ගහන්න පුළුවන්.
- Graphics: AMD Radeon 800M series ඔන්බෝඩ් ග්රැෆික්ස්.
මේ ගැන වැඩි විස්තර TechSpot එකෙත් දාලා තිබුණා. එයාලා කියන විදියට මේකේ බර ග්රෑම් 750ක් විතර වෙන්නේ. ලැප්ටොප් එකකට වඩා සෑහෙන්න සැහැල්ලුයි.
මේක කාටද වැදගත් වෙන්නේ?
උබලා දැකලා ඇතිනේ සමහර ඔෆිස් වල දැන් "Hot-desking" කියලා සීන් එකක් තියෙනවා. ඒ කියන්නේ එකම මේසෙට වෙලා ඉන්න ඕනේ නෑ, ඕන තැනක ඉදන් වැඩ කරන්න පුළුවන්. අන්න ඒ වගේ අයට මේක මරු. ගෙදර ඉදන් එද්දී කීබෝඩ් එක විතරක් බෑග් එකේ දාගෙන එනවා, ඔෆිස් එකේ තියෙන ඕනම මොනිටර් එකකට USB-C එකෙන් ගැහුවා, වැඩ පටන් ගත්තා! මේ ගැන Bangkok Post එකේ ගිය ආටිකල් එකකත් තිබුණේ මේක "Future of Work" කියලයි.
වෙන මොනවද විශේෂ?
මේකේ තව විශේෂ කෑලි ටිකක් තියෙනවා:
- AI Power: මේකේ 50 TOPS බලයක් තියෙන NPU එකක් තියෙනවා. ඒ කියන්නේ AI වැඩ වලට සුපිරි.
- Ports: USB4 පෝට් එකකුත් එක්ක USB Type-C පෝට් දෙකක් තියෙනවා.
- Battery: ඕන නම් බැටරියක් තියෙන මොඩල් එක ගන්නත් පුළුවන්. එතකොට කරන්ට් එක ගියත් අවුලක් නෑ.
මේ ගැජට් එක ගැන Mashable එකේ තිබුණ රිවීව් එකේ හැටියට මේක මාර්තු මාසේ විතර මාකට් එකට එනවා. හැබැයි තාම ගාන නම් හරියටම කියලා නෑ. කොහොම වුනත් ලැප්ටොප් එකකට වඩා ගාන අඩු වෙයි කියලා තමයි XDA Developers ලා සැක කරන්නේ.
මේ ගැන තව විස්තර දැනගන්න ඕන නම් Android වැඩකාරයෝ එකේ ලිපියත් කියවලා බලන්න. ඒ වගේම Tom's Guide එකේ තියෙන රිවීව් එකත් පට්ට.
කොහොමද බාණ්ඩේ? ලැප්ටොප් උස්සන් යනවට වඩා මේ වගේ එකක් සාක්කුවේ දාගෙන යන එක ලේසි නැද්ද? පහලින් කමෙන්ට් එකක් දාගෙන යමන්.